بسم الله الرحمن الرحیم
سوزباشی
الحمدلله والصلاة السلام علی سیدنا محمد وعلی آله وصحبه وسلم ،،،
محترم اقوچیلر : اورته آسیا تاریخی نینگ ایککینچی جزء اسلامده
قوریلغان ترک دولت لریدن باشلاب اولر نینگ قندای میدانغه چقیش لریده غی اجتماعی و
سیاسی کارنامه لری بیلن سیزلرنی تانیشتورادی . جهان تاریخیغه کته حصه قوشغان ترک
مسلمان دولت لریمیزنینگ قیلغان فعالیت لریدن مهم رول لری اولرنینگ اسلام دینیده غی
ساغلام عقیده بولیش لری بیلن برابر جهادغه اتلانیب اسلام مقدس دینینی اوز تیواراک
لریده غی باشقه ملت لرغه ارمغان قلیش لریدور . کتاب سککزینچی بولوم دن باشلاب قاراخانیلر ،
غرنویلر ، سلجوقیلرنینگ سیاسی واقعه لری بیان بولغان بولسه ، ینه منه شوبولوم نینگ
اخیرده اورته آسیاده اسلام علمی ترقیاتی
نینگ فن و ادبیات ساحه لریده قیلغان تبارز لری کورساتیلادی . توققوزینچی بولوم ده
ایسه قاره ختایلر دولتی نینگ واقعه لری و بخارا ده غی صدرلرنینگ فعالیت لری اوندن
کین غوریلر سلطنت لری و منه شوچاغده گی خوارزم نینگ یوکسالیشی کورساتیلادی . اونینچی بولوم دن
باشلاب خوارزمشاه لربیلن مغللر اورته سیده بولغان واقعه لراسلام تاریخی نینگ بیوک
فصل باب لریدن بولیب ، اینقسه شرق دن کوتاریلغان آلاونینگ آلگنه سی آستیده غرب
نینگ کل پرچه بولیشینی ایسلاتامیز . اون بیرنچی بولوم ایسه اونینچی بولوم نینگ
سلسله سی دیساک بولادی ، چونکی بو بولوم ده اسلام عالمی غه کته قاقشاتغیچ ضربه
لربیرگن مغللرنینگ خراسان ، فارس ،عراق و سند ده قیلغان یوریش لریده غی فجایع لری
واقعه سی بیلن توله معلومات لرکورساتیلغان دور . اون ایککینچی بولوم دن باشلاب
امیرتیمور کورگانی نینگ میدانیغه کیلیشده غی واقعه لی همده اونینگ سلطنت قوریشی و
حربی یوریشلری بیلن بتفصیل بیان قیلغاندور . محترم اوقوچی لریمیزغه شونی ایسلاتیب
اوتامن کی ، یازو لریمده حتی المقدور اعتدال بیلن واقعه لرنی بیان ایتیب تاریخ ده
هیچ بیر ملت نی باشقه بیرملت غه قارشی تورغیزیشغه اورینگانیم یوق . بو ایدی کتابده
غی ایشلاتکان شیوه لریم . ایمدی سیز لرنی کتاب مضمون لریغه باشلایمن ، ، ،
ومن الله التوفیق .
سید مبشر کاسانی
ليست هناك تعليقات:
إرسال تعليق