بسم الله الرحمن الرحیم
ترکی خلق لرقدیم زمان لردن بویان فن نینگ تورلی
ساحه سی گا کیریشیب کشیلیک جمیعتی گا بی بها دردانه لر تقدیم ایتیب کیلگان اینک
قدیمی تاریخ گا ایگه خلق دیر. اوشبو خلق نینگ تاریخی گا تیگیشلی أثر مؤلف لری
بیرنچی نوبت أنه شوخلق آره سیدن یتیشیب چیققان مؤرخ لر - البیرونی ، ابن سینا ،
الوغ بیک ، نوائی ، بابرکبی لر بولیب ، اولر نینگ عنعنه لرینی اولاد لری دوام
ایتتیریب کیلماقده لر .مؤرخ سید مبشر کاسانی أنه شولر جمله سیدن دیر
. کاسانی نینگ قلمی گا منسوب ، اورته آسیا تاریخی ، مؤلف نینگ بوساحه ده اوزاق ییل
لر دوامیده چیکگان زحمت لری طفیلی یوزه گا چیققان أثر بولیب ، أو اولکه میزنینگ
سیاسی دینی ، اجتماعی ، أدبی ، مدنی وتاریخی وگنجینه لرینی اوز ایچی گا قمراب
آلادی . معلوم که ، تاریخ خلق خاطره سی ، حلق تجربه سی ، ملی یوتوق وملی افتخار
خزینه سی دیر . کاسانی نینگ أثریده هم خوددی أنه شو توشونچه اوز عکسینی تاپکان .
کوپگینه تاریخ کتاب لریده بیریلماگن یاکه قیسقه چه توختالیب اوتیلگان واقعه وحادثه
لر اورته آسیا تاریخی کتابی ده اطراف لیچه تحلیل ایتیلگان . کتاب تاریخی نقطه
نظریدن مکمل لشتیریلگان مؤلف نینگ علمی - نظری خلاصه لری محصولی بولیب اوندن فکرلر
اساسیده گی مسئله لر اورین آلگان .
اورته آسیا تاریخی نقطه نویس لیگی ده تاریخ چیلر
تمانیدن یره تیلگان أثر لرده عین واقعه بیرنیچه تور تحلیل و ایضاح ایتیلگان بولسه
، کاسانی نینگ ایضاح و پرینسبی اولردن أجرالیب تورادی . تاریخی منبع لرده
اوجرامایدیگان واقعه لرهم بو أثردن اورین الگان ومنبع لرفهرستی کورساتیلگان .
اورته آسیا تاریخی . تولیق معنی ده علمی و دوا ملی تدقیقات یونالیشی ومندرجه سیگا ایگه
. أثرنینگ اوچینچی جلدی آخریده یوزدن أرتوق کتاب لرروی خطی و یگرمه بولوم قسم دن
عبارت کورساتگیچ لرهم غلاوه قیلینگان . ملف نینگ اوزی تأکید لاگنی دیک . أثرتیل و
اٍملا جهتیدن حاضرگی زمان تیلمیز گا نسبتاً ییرمونچه فرقلی راق بولسه ده اونظری
جهتدن ینگی چه تحلیل قلیش میزانی بولیشی گا امکان بیرادی شوبیلن بیرگا بو أثر
خلقمیز تاریخی نی ینگی بیلیم لر ومعلومات لر بیلن بای ایته دی . کتاب خوان لر گا
تاریخیمیز توغری سیده ینگی معلومات لربیرادی . درحقیقت بوگون حیات نی کتاب سیز
تصور قلیب بولمایدی . بوگون انسان کتاب سیز یشالمایدی . چونکی ، کتاب انسان نینگ
معنوی آذوقه سی دیر .
کتابخوانلر اوچون مؤلف گا ایجادی موفقیت لر !
عزیزالله ارال
ازبیک تیلی وادبیاتی بوییچه ماستر دپلومی صاحبی
کابل نیووسته سیده ادبیات فاکولته سی نینگ
استاذی
حاضرلیکده امریکا قوشمه شتات لریده واشنگتن ده
گی
اورته آسیا تدقیقات شرکتی نینگ تدقیقاتچیسی .
ليست هناك تعليقات:
إرسال تعليق